ما بين نزف الدموع وزفرة الضيقه
البارحة والله ان ماني على خبري
الصبر طول.. وطول الصبر ماطيقه
واليوم.. لا والله الا قاضي(ن) صبري
آخذ مع الخرج تغريبه وتشريقه
مكسور وانشد مع اهل الخرج عن جبري
جبري على يد من قلبي وتشويقه
يسوقني له وانا المتولع المبري
متى ربيع اللقا تنبت زماليقه
واقطف زهرها قبل ما يضمني قبري
وجدي على الجو وآخذ فيه تحليقه
أكفخ ليا شفت حزني زاد عن شبري
جداي.. نزف الدموع وزفرة الضيقه
يالله عليك الفرج ماني على خبري
الشاعر : بندر بن حامد
(نوماس الرحماني)