أهدي الأستاذ سعود بن غنيم للشيخ سعد بن عبدالله الغنيم الحقباني شيلة تحت عنوان “تاج الزعامة” وأداء سعود الشمري والهندسة الصوتية : م/عبدالعزيز الهمداني ومونتاج : فهد اليحيي .
[CENTER]
يا سَــعد تسمح اذا عندك مجال
بذكرك في شعر وارفع بك مقامه
وكل ما في الأمر تقدير ووصال
وفي الخفوق اكبر من الشعر وكلامه
وانت ما تحتاج للمدح الجزال
لأنك اعلى من مديح الشعر قامة
قَلْ من يجمع صفاتك بامتثال
تجمع الأضداد من زود الفخامة
في الرضىٰ ووقت الرخاء ماءٍ زُلال
وفي ثنايا الحق لك عزمُ وصرامة
من يبيك الفيّ في بـشتك ظلال
ومن يبيك الشمس يشرع لك خيامه
ومن نواك بشر يبشر بالزوال
ومن تعزوى بك لقاك اقوى حزامه
ومن يعرف فعولك اللي ما تطال
يدرك ان الصعب للصعب اغتنامه
والكريم اللي مثل شخصك مثال
فزعة اللي من شكىٰ والوقت ضامه
ومن يماشي خط رجلك باحتمال
يتعبه ممشاه في درب الكرامة
لا ارتقى للمجد زحزيح الرجال
اشهد انك بالغٍ ذروة سنـامه
شيخ علم وشيخ جاه وشيخ مال
وفي الكرم والخير لك تاج الزعامة
جمّع الله فيك من زين الخصال
استقامة ، مع طناخة ، مع شهامة [/CENTER]
[SITECODE=”youtube HuL8RHkMuZ0″]https://www.youtube.com/watch?v=HuL8RHkMuZ0[/SITECODE]