لاتطعـــن العيد بغيابــك يامحبـوبي
لاتــرمــي القلـب للمجهول واسبابه
هذا القلق لاتفرعن صاحت ادروبي
عواصفه تحــرق الاخضر وتثعابـه
البارحه كنــت واقــف دوبي بدوبي
ائنب النفـــس وارمي بعضي اكتابه
اقـــــول كلي بياض وتنطــق اذنــوبي
حتى اصغر الذنب باح مسلسل حسابه
حاولت اغيّر من احساسي مع اسلوبي
لقيت نفســـي من التغـــيـــيــر مرتـابــه
تشجـــّراللي سترته خلــف مكتــوبي
حتى بدى في عيوني يطلــق اسرابه
الواقــع اللـــي لبسني ملبسـي ثوبي
ترجم كثيــري وباقـي شي انا ادرابه
تاج الوصال انكسـر ثم اتبعه كوبي
والجرح تكبــــر تواريــخه وتتشابه
شبيت فانــــوس وصل وراح محبوبي
كنه يكب( الـ)وصالي جارف اغيابـــه
شعر / متعب آل حشيان الروقي
motab545@hotmail.com
التعليقات 1
1 ping
Warning: Attempt to read property "display_name" on bool in /home/kharjhom/public_html/wp-content/themes/taranapress/includes/theme-comments.php on line 281
Warning: Attempt to read property "user_level" on bool in /home/kharjhom/public_html/wp-content/themes/taranapress/includes/theme-comments.php on line 282
Warning: Attempt to read property "user_url" on bool in /home/kharjhom/public_html/wp-content/themes/taranapress/includes/theme-comments.php on line 283
Warning: Attempt to read property "ID" on bool in /home/kharjhom/public_html/wp-content/themes/taranapress/includes/theme-comments.php on line 284
16/01/2011 في 4:40 ص[3] رابط التعليق
ألاجواد واجـد والمراجـل لهـا كسـاب
لكن واعد العشـرة ليـا صـرت جمالـي
يطير الشـرار وكـل نـارٍ لهـا شبـاب
ومن ولع النيران يصبـر علـى الصالـي
تجارب حياتي معجـزة والدروب أصعـاب
ولقيت الرجال انـواع والـوان واشكالـي
صديق الشدايد ماخذ منك علـم وجـاب
وسيع الصدر يضحـك ولا هـو بزعالـي
صديـق الشدايـد لا ينافـق ولا يغتـاب
يدلـه غريـب الـدار ويزيـن الجـالـي
وصديق الرخى عقاب ومصادقـه عقـاب
شجاع الحكي والمـدح بالقيـل والقالـي
وصديق الرخا ما غير صورة ولبس ثياب
ياليتـه يبرقـع مالـه شمـاغ وعقالـي
وعنـدي نصيحـه جـد ماقلتهـا لعـاب
أقول الصحيـح ونايـم القلـب يصحالـي
ترا خوة أهل الطيـب يالطيبيـن أطبـاب
يطيـب السقيـم وخـوة الاش سـلالـي
تغانم شبابك يا بيض الوجه دامـك شـاب
ترى البدر لو يطلع قمـر عـود أهلالـي
فلا تهجر المسجد وخلك ورى المحـراب
ترى روضة المسجد لهـا منـزلٍ عالـي
ولا تترك اللي يزهمـك خايـفٍ مرتـاب
ترى الذل ما نجـى الثعـلب بـالتحيالـي
ولا للندى غير الفدى لـو تـروح أرقـاب
ومن ضاع شوره يا خذ الشـور ويمالـي
ومن باشـرك بالعـذر لاتلحقـه بعتـاب
ولا تشوف نفسك شيخ والنـاس عمالـي
ولا تهين نفسك لو تجي بين ضرس وناب
وهيبتك لا تنقـص ولـو ربـع مثقالـي
وبنت الردي لا يعجبـك زينهـا الجـذاب
تراهـا كمـا المخيـال خيـل وتخيـالـي
ولو شفت حمر خدودها وثمـان أعـذاب
لا بدك تمنـى ليـت مـا جالـك أعيالـي
ولدها لاياشاف النقـى والملاقـى هـاب
ذليـلٍ بخيـلٍ فيـه خفخـاف وجفـالـي
أخذ بنت قرمٍ طيـبٍ ساسهـا مـا عـاب
تنومسك بنت الشبـل ويجيلـك أشبالـي
أعيال الذياب تصير مثل الذيـاب أذيـاب
وعيال الثعالـب مثلهـا زهـر الاذيالـي
وفرخ الصقر مثله وفرخ الغراب غـراب
وبوم الخـراب ايقابـل العـش ويلالـي
الي صار راسك فوق يا طيب الانسـاب
فـلا ينحنـي لقـدام رجليـن ونعـالـي
لكن الله اللي يكتب الـرزق يـاخطـاب
هو اللي يفك البـاب ويقـص الاقفالـي
ولا يهمـل الا واحـدٍِ عايـفٍ الاشبـاب
ولا يضيع أحقوق البشر غيـر الاهمالـي
وترى للقصايد كيف والكيف لـه شـراب
وانا مااشرب الا كيف راسـي بفنجالـي
ولا طاوع الجاهـل ولا جامـل النصـاب
أقـدم يميـن الحـق واحــط معـدالـي
ولا ني بو الله طيبن له مـع مـن طـاب
ومن طاب لي برخص له الحـال والمالـي
أكذب وانا خابـر واجامـل وانـا كـذاب
سنين مضت هـي صـدق والا يورا لـي
تلخبط جهاز المخ وانهـارت الاعصـاب
وفورت دمـي وارتفـع ضغطـه العالـي
لكن في رجى اللي من رجى رحمته ماخاب
هـو الواحـد العالـي وهـو ربناالوالـي
وهو الخالق الرازق وهو المعطي الوهـاب
لـه الملـك كلـه والكمايـل والاكمالـي
رئوفٍ رئيـفٍ رحمتـه تنقـذ المنصـاب
يغيث الديـار الممحلـه عقـب المحالـي
شديد العقاب ويعتق المذنـب اللـي تـاب
عسـى مـا يواخذنـا بسيـات الاعمالـي
كما قالـه الله فصبـروا ياأولـي الالبـاب
ترى الصبر زين وكلمـة الحـق تنقالـي
واصلي واسلم عد مـا تنبـت الاعشـاب
وما لاح بـراقٍ سـرى يشعـل أشعالـي
على المصطفى اللي وحد الدين والاحزاب
شفيع أمتـه يـوم الهوايـل والاهوالـي
(0)
(0)